Literal na No Zombies Allowed ang abiso ng central branch ng Burger King sa Shibuya kaugnay ng kanilang pagiging sarado ngayong araw upang maiwasan ang pagsugod ng mga naka-costume ngunit magulo na Halloween participants.
Paliwanag ng official management ng BK Japan Holdings Company na nakabase sa katabing Chiyoda ward, nadala na ang organisasyon sa mga nakalipas na insidente ng biglaang pagsugod ng mga naka-costume ng multo at iba pang horror characters sa naturang branch upang gulatin ang mga customers kaya minabuti nilang magsara muna para ngayong araw upang masigurong ligtas ang mga empleyado
Ipatutupad naman hanggang bukas ng madaling araw ang liquor ban habang inaasahan ang hanggang animnapung-libong party people sa kabila ng paulit-ulit na panawagan ni Shibuya Mayor Ken Hasebe na huwag nang magpunta doon dahil hindi isang Halloween destination ang naturang bahagi ng Tokyo at upang maiwasan rin ang kahalintulad ng naganap na crowd crush noong Oktubre 29 ng nakaraang taon sa Itaewon District ng Seoul, South Korea na kumitil ng 159 katao